Яқинлашиб келаётган сайловда қатнашиш

Ҳурматли ватандошлар,

Жорий йилнинг 22 декабрь куни бўлиб ўтадиган Ўзбекистон Республикаси Олий Мажлиси Қонунчилик палатаси ва маҳаллий кенгашлар депутатлари сайловларида овоз бериш учун шу жумладан Сингапур Республикасида истиқомат қилаётган барча ватандошларимизга тегишли шароит яратилган. Шу мақсадда Ўзбекистон Республикасининг Сингапурдаги элчихонаси биносида 43-сонли сайлов участкаси тузилган булиб, у Тошкент шаҳридаги 146-сонли «Астробод» сайлов округига бириктирилган. Ушбу сайлов участкасида Сингапур Республикаси ҳудудида вақтинча ёки доимий истиқомат қилувчи Ўзбекистон Республикаси фуқаролари овоз беришлари мумкин. Сайлов участкаси қуйидаги манзилда жойлашган: 20 Kramat Ln, #04-01/02 United House, Singapore 228773 (Сoncorde Hotel Singapore мехмонхона орқасида). Шунингдек, сиз Ўзбекистон Республикаси Олий Мажлисининг Қонунчилик палатасига ва халқ депутатлари маҳаллий кенгашларига бўлажак сайловларда иштирок этиш учун сайловчилар рўйхатига киритилганингиз ҳақида хабар берамиз. Шу муносабат билан, барчангизни ушбу йилнинг 10 декабрига қадар онлайн рўйхатдан қуйидаги манзил орқали ўтишингизни илтимос қиламиз (http://saylov.mfa.uz/).

Қўшимча саволлар учун, Ўзбекистон Республикасининг Сингапурдаги элчихонасининг консуллик бўлими ходими Умид Хожихонов билан қуйидаги рақамлар орқали боғланишингиз мумкин: +6567343942/43, +6567345849, моб. +6591130022, ҳамда электрон почта манзили: u.khojikhonov@uzembassy.sg.

Ҳурматли ватандошлар,
Сиздан Ватанимизнинг ушбу муҳим ижтимоий-сиёсий тадбирида фаол иштирок этишингизни ва конститутциявий хуқуқингиздан тўлиқ фойдаланишингизни сўраймиз!